Монгол улсын гурван сая дахь иргэн 2015 оны нэгдүгээр сарын 24-ны өдөр Өмнөговь аймагт мэндэлсэн. Түүний дуудах нэрийг Монгол улсын ерөнхийлөгч асан Ц.Элбэгдорж Х.Монголжин хэмээн өгч байлаа. Монголжин охин өнөөдөр эсэн мэнд өсөн торниж найман настай урлагийн авъяасаа хөгжүүлж чамгүй амжилтыг гаргаж яваа. Тэрбээр найзуудтайгаа нийлж бүжгийн хамтлаг байгуулан бүжгээр хичээллэж олон амжилтын эзэн болжээ.
Тодруулбал, Солонгос улсад болсон ОУ-ын “CASIO-2023” тэмцээнд чөлөөт бүжгийн төрөлд шилдэг цом хүртсэн байна. Мөн үндэсний бүжгийн бага насны ангилалд шилдгийн шилдэг гранпри шагналуудыг хүртжээ.
Х.Монголжин охин: “Одоо манай хамтлаг монгол бүжиг чөлөөт бүжиг сурч байгаа. Манай хамтлаг маш олон амжилт гаргасан. Бүжгийн дугуйланд ороод бас нээлтэд орж олон удаа шагнал авч байсан” хэмээн ярилаа
Эх сурвалж: MNB
