Дэлхийн хамгийн алдартай хөгжмийн зэмсгүүдийн нэг болох Битлз хамлагийн гишүүн Пол Маккартнигийн басс гитарыг хайж эхэлжээ. Энэ талаар ВВС агенлаг мэдээлсэн байна.
Эх сурвалжийн мэдээлснээр, “Lost Bass” буюу “Алдагдсан басс” нэртэй төслийн хүрээнд Маккартнигийн гитарыг хайж эхэлсэн бөгөөд төслийн хүрээнд “түүхэн дэх хамгийн чухал басс” гэж нэрлэгдсэн гитар байж болзошгүй газруудын талаарх мэдээллийг цуглуулах аж.
Маккартни Karl Höfner фирмийн гитараа 1961 онд Хамбург хотоос 38 доллараар худалдан авчээ. Одоогийн ханшаар дүйцүүлвэл энэ нь 1000 гаруй доллар болж байгаа юм байна. Тэрбээр худалдаж авснаасаа найман жилийн дараа гитараа алга болгожээ.
Маккартни Karl Höfner фирмд хандан хайртай гитарыг нь хайж өгөхийг хүсэж, компани эрэн хайж эхлэснээр алдартай гитарыг олон улсад хайх ажил эхлэсэн байна.
“Би солгой гартай хүн, алдсан гитар маань надад яг тохирч байсан. Тиймдээ ч худалдаж авснаасаа хойш тэр гитарандаа хайртай болсон” хэмээн 81 настай Маккартни ярьжээ.
Алдагдсан гитарыг хайх хүмүүст тусламж болгон фирм басс гитарын гэрэл зураг, түүнчлэн гитар худалдаанд гарснаасаа хойш алдагдах хүртлээ хаана байсан, хуурамч эдлэлийг хэрхэн таних зэрэг мэдээллийг түгээжээ. Маккартнигийн алдагдсан гитарын онцлох шинж нь гитарын хүзүүн дээр Höfner фирмийн лого босоо хэлбэртэй байдаг аж. Харийн сүүл үеийн загварууд дээр лого хэвтээ байрлалтай байдаг гэнэ.
