Замын түгжрэл, агаарын бохирдол, хөрсний бохирдол гээд Монгол Улсын хүн амын тал хувьд оршин суудаг Улаанбаатар хотын зовлон дуусахгүй.
Татварын мөнгө, гадаады улс орнуудын зээл тусламж гээд дуусашгүй гэх төсөл хөтөлбөрүүд хэрэгжиж байгаа ч үр дүнгээ өгч, нийслэлийн өнгө төрх засагдаж байгаа нь ховор. Өнөөдөр л гэхэд ТЭРБУМ гаруй төгрөгөөр хогийн машин авах тендер зарласан байна.
Тодруулбал, Ядуурлыг бууруулах Японы сангийн буцалтгүй тусламжийн хөрөнгөөр Азийн хөгжлийн банкны санхүүжилтээр 2023 он хүртэл хэрэгжүүлэх уг төслийг нийслэлийн Засаг даргын Тамгын газар хариуцаж хэрэгжүүлж байгаа. Улаанбаатар хотод хүнсний хог хаягдлыг дахин боловсруулах технологийг иргэдийн оролцоотойгоор нэвтрүүлэх зорилготой бөгөөд төслийг гурван хэсэгт хувааж хэрэгжүүлэхээр төлөвлөжээ. Энэ төслийн хүрээнд хог тээвэрлэх машин худалдан авахаар болсон нь энэ.
Улаанбаатар хотын хүнсний хог хаягдлыг дахин боловсруулах төсөл гэх сүртэй нэртэй ч төслийн хөрөнгө ийнхүү хогийн машин худалдан авах гэх мэтэд зарцуулж эхэллээ.
