Рио 2016 зуны олимпийн наадмын жүдо бөхийн барилдааны 57 кг жинд олимпийн мөнгө медаль хүртсэн, Дэлхийн АШТ-ий алт, хошой хүрэл медаль, Азийн наадмын хошой хүрэл, Азийн АШТ-ий алт, хошой хүрэл медаль хүртсэн, жүдо бөхийн түүхэн дэх Монголын дөрөв дэх дэлхийн аварга Хөдөлмөрийн баатар Доржсүрэнгийн сумъяа, Монгол Улсын начин Хутагийн Цогтгэрэл нар анхны хүүхдээ өлгийдөн авчээ. Жүдо бөхийн домог болсон Хөдөлмөрийн баатар маань ийнхүү үүрэгтэй хариуцлагатай ээжийн ажилд томилогдлоо. Хосуудад аз жаргал, бяцхан үрд нь эрүүл энхийг хүсье ээ.
