ПапарацциСонин хачинФото

Өвчин тахлыг далимдуулж үнээ нэмсэн “Aero Mongolia” өөрсдөөсөө ич

Иргэний агаарын тээвэр бол манай улсын хувьд маш чухал, стратегийн ач холбогдолтой салбар. Гэвч уг салбарт шуналдаа дийлдэн иргэдийг хөлдөө чирэх болсон “Аэромонголиа” авиа компанийг манай сайт онцолж байна.
Сорилт, бэрхшээлээ давсан, туршлага хуримтлуулсан хэмээн өөрсдийгөө дөвийлгөдөг “Аэромонголиа” компанийхан энэ онд 21 дэх жилийнхээ нүүр үзэж байгаа ч үйлчлүүлэгч, зорчигдынхоо эрх ашгийг хөндөх болжээ.

Ёстой л “чоно борооноор” гэдэг шиг ковидын тахалтай жилүүд шувтав уу, үгүй юу өөр өрсөлдөх нислэг байхгүйг далимдуулан үнээ огцом өсгөжээ.
Үүнийгээ тэд өөрсдөө бензин шатахууны хомсдол, долларын ханшны зөрүүтэй холбон тайлбарлаж буй. Гэвч хоёр жилийн дотор үйлчилгээний үнээ 10 дахин өсгөсөн нь дэлхийн хаана ч байхгүй үнийн өсөлт юм. Өөрөөр хэлбэл, тэд 2019 онд Хөххот-Улаанбаатар чиглэлийн нислэгээ 300 мянга хүрэхгүй үнээр үйлдэж байв. Харин өдгөө тус нислэг нь 2 сая 990 мянган төгрөг. Үүн дээр татвар, даатгал нэмэгдээд 3 сая төгрөг давж байгаа юм.
Хамгийн хачирхалтай нь, бусад авиа компанийн үйлддэг Хөх хотоос хол оршдог БНСУ-руу нисэх нислэгийн үнэ өмнөхөөсөө хямдарсан байхад “Aero Mongolia” ийнхүү үнийн хөөргөдөл үүсгэсэн нь иргэдийн дургүйг хүргэж байна. Монголчууд бид Хөххот руу ихэвчлэн өвчин зовлонгоо эмчлүүлж, даатгах гэж зорчдог. Хэдэн ядарсан иргэдээ унасан дээр нь улам дардаг энэ мэт өөрсдийгөө Монголын жижиг Зах зээл дээр аварга загас гэж боддог бололтой.
Иргэдийн Aero Mongolia компаниас татгалзаж буйгаа эхнээсээ илэрхийлж байна. Мөн үнийн шударга өрсөлдөөн, үйлчилгээний соёл, ёсзүйн хэм хэмжээг бий болгохын тулд гадны авиа компанид тэгш эрх олгохыг эрх мэдэл олгохыг хүсч байна.

Хариулт үлдээх